A defensa de Andic di que a alusión a "matar" o pai é unha metáfora terapéutica
Considera que se trata dunha afirmación "descontextualizada" que "retorce a verdade"
Nunha mensaxe de WhatsApp ao seu proxenitor, lembraba as súas discusións con el
Jonathan Andic cando foi declarar o 19 de maio. David Oller/EUROPA PRESS
A defensa de Jonathan Andic, fillo do fundador de Mango, considera unha expresión "metafórica" habitual nas terapias psicanalíticas a mensaxe na que admitía que seu pai o crese capaz de "matalo", unha afirmación "descontextualizada" que na súa opinión "retorce a verdade".
Nun comunicado remitido a EFE, considera as mensaxe de WhatsApp enviadas polo investigado o seu pai en xullo de 2024, cinco meses antes da súa morte, "frases sacadas de contexto". No texto, lembraba as súas "discusións" co pai.
"Non me estraña que pensases que era capaz ata de matarte", engadía.
Para os avogados de Andic, investigado polo suposto homicidio do seu pai, esa frase debe entenderse no marco dunhas sesións terapéuticas con "uns códigos concretos" no que se facían "referencias metafóricas" á morte do proxenitor.
"O matar o pai de Freud é un paradigma da terapia psicanalítica", insisten.
.png)
