Investigan as circunstancias da morte dun home nun monte de Cenlle

Os servizos de emerxencia atoparon o corpo sen vida dun home nunha zona de monte situada na parroquia de Osmo, no concello de Cenlle. As forzas da orde e o médico forense traballan para esclarecer as circunstancias da morte.

Un familiar alertou ao 112 da desaparición do falecido sobre as 16:50 horas. De seguido, activouse un dispositivo de busca que rematou coa localización do cadáver.

No operativo particiou persoal médico do 061, do distrito forestal da zona, axentes da Garda Civil e membros do GES de Ribadavia.