Investigan a morte dunha persoa nun accidente de tráfico na Coruña

A Policía Local da Coruña investiga a morte dunha persoa nun accidente de tráfico na cidade este luns, coa principal hipótese de que puido sufrir unha indisposición xusto antes do choque, segundo informaron fontes policiais.

O 112 recolle que o sinistro tivo lugar na zona de San Cristovo das Viñas, onde colidiron dous turismos. A outra persoa quedou ferida de consideración e foi trasladada polo 061 ata un centro hospitalario. O home que morreu tiña 66 anos.