A UCO investiga un empresario de Santiago por un caso de delitos fiscais
Os axentes da UCO botaron a porta do domicilio abaixo para proceder co rexistro
O empresario foise nun dos coches da Garda Civil logo do rexistro
Un empresario do sector da alimentación de Santiago de Compostela está a ser investigado no marco dunha operación da UCO da Garda Civil contra delitos fiscais.
Segundo fontes, arredor das 8:00 horas deste martes, un equipo de investigación da UCO, xunto a efectivos da Comandancia da Coruña, entrou forzando a porta no domicilio do empresario, na rúa Algalia de Abaixo.
Alí, os investigadores da UCO realizaron o rexistro en presenza do empresario. A operación prolongouse ata as 15:00 horas, cando os axentes abandonaron o inmoble xunto ao home, que foi introducido nun vehículo da Garda Civil.
Por agora, só transcendeu que é unha operación contra delitos fiscais con rexistros noutras provincias coma Valencia.
