Falece unha muller mentres practicaba submarinismo en Ribadeo

Unha muller perdeu a vida mentres practicaba submarinismo no lugar de Rinlo, na localidade lucense de Ribadeo.

Foi unha amiga da falecida quen deu aviso do suceso, despois de que a propia muller emerxese da auga para pedir axuda.

Acto seguido perdéuselle o rastro e isto fixo que tivese que activar un operativo de procura con gran cantidade de medios e recursos de diferentes entidades.

Finalmente, o corpo da muller puido ser localizado no interior dunha cova e, desde alí, foi trasladado xa sen vida á base do helicóptero de Salvamento Marítimo Pesca II, en Celeiro (Viveiro).

Os feitos causaron tamén un forte impacto na amiga que acompañaba á falecida, que precisou de asistencia médica no lugar.

Tamén se solicitou a axuda do grupo de psicólogos especializados en catástrofes e emerxencias para informar á familia do acontecido.