Interceptan un kamikaze octoxenario no Salnés que conducía dando bandazos
A Policía local de Vilanova perseguiuno durante varios quilómetros pero o home non se daba por aludido
Os axentes lograron frealo na rotonda de Vilariño, no concello de Cambados, sen provocar danos persoais
Un octoxenario que conducía dando bandazos polo carril contrario na estrada PO-306, ao seu paso por Vilanova de Arousa, alarmou o resto de vehículos que circulaban pola zona este sábado.
A Policía Local perseguiuno durante varios quilómetros tras incorporarse á vía de alta capacidade que une Cambados con Vilagarcía, pero o home non se daba por aludido. Eran as 14:30 horas e había moito tráfico.
Ao final, os axentes lograron frealo na rotonda de Vilariño, no concello de Cambados. Interpuxéronse na traxectoria do vehículo que chegou a bater suavemente contra o coche patrulla sen provocar danos persoais.
A policía municipal de Vilanova da Arousa comezou os trámites para solicitar que se lle retire o permiso de conducir ao infractor, veciño de Meaño, por perda das facultades psicofísicas.
O home non era consciente do perigo. FOTO: Policía Local de Vilanova
.png)
