Un tren con 30 persoas choca contra unha árbore en Ortigueira e un viaxeiro resulta ferido

Unha persoa resultou ferida leve na tarde deste venres despois de que un tren batese contra as ramas dunha árbore mentres circulaba por Ortigueira, no traxecto comprendido entre Ribadeo e Ferrol.

112 Galicia informou que foi o propio centro de seguridade de Renfe o que alertou ao Centro Integrado de Atención ás Emerxencias, indicando que un tren impactara contra as ramas dunha árbore, resultando ferida unha persoa con pequenas rabuñaduras na cara.

O resto dos viaxeiros, arredor de 30, resultaron ilesos.

Aínda que o golpe danou o cristal dianteiro, o convoi continuou ata a estación de Ortigueira para asistir ao pasaxeiro ferido, que finalmente rexeitou ser atendido e ausentouse polos seus propios medios.

Segundo informou o Adif, a circulación, que estivo interrompida, xa se restableceu con normalidade no traxecto entre Ortigueira e Viveiro.

Se restablece la circulación entre Ortigueira y Viveiro. https://t.co/u4tzne0aJo

— INFOAdif (@InfoAdif) August 14, 2026