Ingresa en prisión o fisioterapeuta acusado de abusar sexualmente dunha cativa en Valencia

Este xoves ingresou en prisión o fisioterapeuta acusado de abusar sexualmente dunha nena de dous anos nun centro municipal de Torrent, en Valencia.

O home, de 30 anos, compareceu este xoves ante o xuíz. Ao parecer, estaba atendendo unha nena con parálise cerebral. O pai da cativa oíuna chorar e ao entrar na sala descubriu o fisioterapeuta abusando da nena.

O Concello de Torrent abriu unha investigación e pediu documentación á empresa concesionaria do servizo de atención temperá na Casa de la Dona, onde sucederon os feitos.