Inestabilidade e temperaturas agradables no medio do aviso amarelo

Aínda é verán, lémbranos o termómetro.

Na Coruña o ceo resumiu eses momentos de chover e escampar que foron gobernando a xornada deste martes.

Paraugas e manga curta para un segundo día consecutivo marcado pola inestabilidade que traen os restos do furacán Danielle, estacionados como borrasca preto de Galicia porque os centros de altas presións arredor impiden a súa circulación normal. 

Na franxa atlántica e nalgunhas zonas do interior houbo que activar o aviso amarelo por chuvia e vento. 30 litros recollidos no concello de Ribeira e 20 en Cabeza de Manzaneda. 

Na comarca ourensá de Valdeorras medíronse os máis fortes refachos de vento, que case alcanzan os 100 quilómetros á hora.