Seguimento desigual do paro convocado na hostalaría de Galicia
Seguimento desigual do paro convocado na hostalaría de Galicia
A maioría do sector decidiu permanecer aberto
A patronal prefire agardar para convocar unha gran folga estatal se non convencen as medidas anunciadas polo Goberno
A Estrada simboliza hoxe o descontento dos hostaleiros galegos pola crítica situación que están a vivir por mor da suba xeneralizada de prezos. O paro, acompañado por unha gran caravana pola vila, é case total.
A mobilización que está convocada en Galicia por vinte colectivos dun sector que di non aguantar máis. Os comerciantes sumáronse ao paro dos hostaleiros en moitos puntos da Costa da Morte, como Ponteceso.
O peche é maioritario tamén en zonas de Ourense, como Xinzo. Pola contra, noutros puntos, como Lugo, apréciase normalidade. Comparten as reivindicacións, pero non unha convocatoria así. A postura é semellante á que manteñen as asociacións provinciais e Hostalería de Galicia.
