Incendio en varias naves de Cedie no Barco de Valdeorras
Incendio en varias naves de Cedie no Barco de Valdeorras
O lume está provocando unha nube de fume que podería ser tóxica
A nave estaba baleira cando comezou o incendio
A orixe das lapas podería estar nunha chispa durante a reparación dun tellado
No Barco de Valdeorras declarouse esta tarde un incendio nunha das naves industriais de Cedie, na avenida de Galicia. Por sorte, non había ninguén dentro do edificio.
O lume comezou ás seis e media da tarde e foise estendendo a outras naves próximas. Polo de agora descoñécense as causas do sinistro. O CEDIE asegura que o lume se produciu durante o traballo de reparación da cuberta dunha das naves do complexo industrial, destinada ao almacenamento de resina de pino.
Aseguraron tamén que, aínda que non se pode determinar con exactitude a orixe do lume, o máis probable é que algún residuo incandescente procedente dos traballos puidese caer sobre a resina almacenada na nave.
Na nave afectada estábase desenvolvendo un proxecto de transformación de resina. O incendio provocou unha gran nube de fume, pero o CEDIE aclara que non se produciu a combustión de elementos industriais que puidera ser tóxica.
