Identificado o asaltante dunha tenda de lambonadas en Pontevedra
O ladrón colleu os cartos da caixa e mesmo lle deu tempo a beber un refresco da neveira
As cámaras do establecemento foron clave na investigación
A propietaria decatouse do roubo a primeira hora da mañá cando chegou para abrir a tenda.
Cunha pedra de grandes dimensións rompeu o cristal da porta e accedeu ao interior da tenda. O primeiro obxectivo foron os cartos da caixa rexistradora. Golpeouna para conseguir abrila e roubar preto de trescentos euros da recadación.
Tamén causou distintos danos na zona de paquetería do establecemento que tamén funciona como punto de entrega e recollida de envíos.
O asaltante estivo media hora dentro do establecemento, tomouse o seu tempo para beber un refresco da neveira e encher a mochila de lambiscadas. A Policía Nacional abriu unha investigación e xa logrou identificar o ladrón.
