Hoteis e restaurantes ultiman preparativos para a cea de Noitevella
Familias, parellas ou grupos de amigos buscan establecementos que ofrezan no só a cea senon tamén a festa para despois das uvas
Moitos dos hoteis e restaurantes que ofrecen cea con baile teñen todo reservado dende hai semanas
Os prezos dos menús van dende os 100 euros ata mais de 800 por experiencias de luxo con aloxamento e almorzo
Non se preocupar da cociña nin de buscar un local en que tomar algo despois das uvas é o que buscan quen escolle a opción das ceas con baile para a Noitevella.
"A xente busca a comodidade de ter espazo, de non estar apretados á hora de estar bailando, de ter a túa mesa. É algo que demanda moito a xente para facer unha noite completa e non ter que preocuparse..", explica Óscar Corral, xerente do restaurante Los Robles
Nos menús non pode faltar o marisco seguido de carne ou peixe pero sen pasarse que a noite é longa.
"Tampouco é un menú pantagruélico, porque a xente busca ese tema de ter despois a orquestra, pero ten que ter marisco que estamos en Galicia. ", engade Corral.
E despois das badaladas ábrese a pista de baile, en moitos casos ata case raiar o día
"Esto vai con barra libre e o chocolate de madrugada. Temos a orquestra Compostela e a Uxío que é un picadiscos fantástico. Temos unha noite moi completa.", afirma Óscar Corral.
Hai opcións para todos os gustos e para todos os petos. Dende menús por uns cen euros ata chegar case aos mil por unha experiencia con cea, festa, aloxamento e almorzo especial de Aninovo.
E todo iso contra a noitiña, porque cada vez son máis os que se apuntan ao tardeo para comezar a despedir o ano aínda coa luz do día.
