Os hoteis están cheos en Vigo pola celebración de Conxemar

"Non, para esta noite estamos completos". É a frase que se repite estes días unha e outra vez desde a recepción dos hoteis de Vigo.

Conxemar disparou a ocupación na cidade. Pasamos polos hoteis Atléntico, NH Collection e Nagari e o resultado foi o mesmo: plena ocupación. Algunha cancelación de última hora pode liberar algún cuarto pero a prezos desorbitados.

A meirande parte das reservas quedan pechadas xa dun ano a outro. Con vistas á ponte festiva, a celebración dos Xogos Europeos de Policía e Bombeiros promete manter os hoteis moi ocupados.