Hidalgo: "Tivemos momentos para poder meternos no partido, pero o gol non chegou"

Antonio Hidalgo subliñou na sala de prensa que non lle sorprendeu a saída do Málaga C. F. ao partido porque "estiven 3 anos como xogador aquí e sei como empuxa a Rosaleda", pero "é certo que saíron mellor, atopáronse con ese gol, modificamos a posición de Luismi e a partir de aí atopámonos máis cómodos".

Lembra o man a man de Eddahchouri, "tivemos unha man clarísimo que o VAR non entrou... Son días que todo se vai xuntando e é unha derrota nun partido no que un equipo foi moi intenso e mereceu a vitoria. Nós tivemos momentos para poder meternos no partido pero ese gol non chegou nunca, que é o que che fai meterche nos partidos".

O técnico deportivista resalta a efectividade do Málaga C. F. en ataque e "é certo que non estivemos axustados cando abrimos demasiado o partido. Tentamos ir con todo. Cando metes moita xente en ataque tes esa sensación de que todo está moito máis descadrado".

A pesar de que o Dépor sufría no ida e volta da recta final, lamentouse Antonio Hidalgo do "man a man de Stoichkov, o de Mulattieri. Non fomos capaces nin sequera de converter un gol. Tamén é mérito do rival".

Finalmente, insiste sobre a clasificación en que "a Federación di que a que conta é a do último día. É certo que se te colocas en posicións cómodas os picos de confianza van mellorando".