Golpe de autoridade do Compostela en Guijuelo (2-3)

O Compostela recupera a segunda posición grazas á súa vitoria por 2-3 no difícil campo do Guijuelo. Fer Beltrán, con dous goles, foi o gran protagonista do partido. 

O xogador chantadino marcou ao pouco de principiar o partido. Empatou o Guijuelo cun tanto de Giráldez, pero outra vez Beltrán acertou coa porta salmantina antes do descanso. 

Ao pouco de principiar a segunda parte Darío Germil anotou o 1-3 e o Compostela pasou a manexar con certa comodidade o partido. O impulso final do Guijuelo permitiulle acurtar diferenzas grazas ao gol de Caramelo, insuficiente para empatar, aínda que os locais tiveron unha boa ocasión no engadido.