Antón Guisande confía no ascenso do Compostela
O cadro santiagués parte cunha vantaxe de 3 goles (3-0) de cara á volta do ascenso a Segunda Federación.
O partido ante o Badalona, este domingo ás 12:30 horas (en directo na G2)
A S. D. Compostela afronta este domingo o partido máis importante da tempada, a volta da eliminatoria final polo ascenso a Segunda Federación ante o Badalona, na súa casa. Antón Guisande, un dos xogadores máis importantes do equipo, puxo en valor o traballo e o esforzo do equipo pero conscientes da dificultade do encontro.
"O equipo o merece. Estivo loitando todo o ano e traballando moito".
"O fútbol danos outra oportunidade e estaría ben aproveitala, porque fixemos un bo traballo o pasado domingo".
O extremo de 26 anos advirte de que a eliminatoria non está pechada a pesar do 3-0 da ida. Seu rival, o Badalona, xa sabe o que é remontar.
"Non nos podemos fiar contra este equipo. Saben o que é remontar. Ca Cornellà mesmo, que foi un 4-1".
"Sabíamos que nos tocou o peor equipo que podía tocarnos. Os cataláns sempre son grupos moi fortes".
Guisande cree que o Compos debe manter a súa identidade e apelar a unión entre os xogadores e afección para pechar o ascenso.
"A pesar do 3-0, non temos que meternos atrás. O obxectivo é fixaros en nós, facer un bo partido e traballar moi ben en ataque e en defensa".
"Nós temos que facernos fortes co que temos e sacar o resultado adiante que é o máis importante".
Por último tamén deixou claro a fortaleza do equipo afirmando que teñen moi bo equipo para facer fronte a calquera.
