Galicia vai incorporar a fisioterapia ás consultas de Atención Primaria

Galicia vai incorporar a fisioterapia ás consultas de Atención Primaria. Unha demanda histórica do colectivo.

A Consellería de Sanidade traballa xa para que as consultas cos fisioterapeutas se poidan solicitar directamente e converterse así na primeira comunidade que o fai. Ata o de agora, os fisioterapeutas traballaban cos pacientes derivados principalmente dende médicos de familia ou dende os servizos de rehabilitación dos hospitais.

Con este novo sistema que se integrará no XIDE, Sistema de Xestión Integrada por Equipos, os pacientes poderán acceder á consulta de fisioterapia sen intermediación doutros médicos, sempre e cando se cumpran os parámetros requiridos para iso.