Galicia rexistrou máis de 1.300 raios nunha madrugada de treboadas sen grandes incidencias

En Galicia, as treboadas deixáronse sentir a pasada madrugada en varias zonas, aínda que con menos intensidade do previsto e sen grandes incidencias. En lugares como O Rosal houbo tormentas que descargaron pedrazo, ocasionando algunhas desfeitas. En Galicia rexistráronse 1.300 raios en terra, segundo datos de Meteogalicia.

No que vai de xornada, a temperatura mínima rexistrouse nas Neves (Pontevedra), que descendeu ata os 13,4 graos ás 08.20 horas desta mañá, mentres que distintas localidades de Ourense e de Lugo viviron unha noite cálida, con Larouco, en Ourense, con 27,2 graos ás 03.30 horas ou Vilamartín de Valdeorras, con 26,6 graos ás 04.30 horas.