Galicia rexistra en abril a maior cifra de compravenda de vivendas en 12 anos
A compravenda elévase un 7 % en comparación co mesmo mes de 2021
A gran maioría tratábase de vivenda usada (1.321) e o resto correspóndese con nova (345)
Galicia rexistra un total de 1.666 compravendas de vivendas en abril, a súa maior cifra nos últimos 12 anos, segundo os datos que publica o Instituto Nacional de Estatística este luns. A compravenda elévase un 7 % en comparación co mesmo mes de 2021.
Este aumento está por debaixo do avance do 11,9 % que se computa na media española. Galicia conta co menor número de operacións por 100.000 habitantes, con 77, fronte ás 126 do conxunto do país.
Do total de 1.666 vivendas transmitidas, 1.585 eran libres e 81, protexidas. A gran maioría se trataba de vivenda usada (1.321) e o resto correspóndese con nova (345).
O total de fincas transmitidas inscritas nos rexistros alcanzou as 8.732 en Galicia no mes de abril, un aumento do 3,1 %, o que contrasta coa baixada media do 1,3 %. Deste total, 2.581 eran fincas rústicas e as restantes 6.151 son urbanas.
