Galicia rexistra case dous milleiros de novas infeccións na última xornada
Detéctanse 1.933 contaxios novos, o maior aumento en dúas semanas
A ocupación hospitalaria continúa baixando (-6) e sitúase en 417 pacientes
O Sergas notificou tres decesos por mor da covid–19
Os casos activos en Galicia seguen subindo aos poucos ata acadar as 17.107 persoas infectadas. Van tres xornadas con aumentos, a de hoxe (+174) moito menor que a de onte (+568).
Pola súa parte, os contaxios diarios aumentan con respecto a onte e rexístranse 1.933 nas últimas 24 horas. É o maior incremento en dúas semanas.
A repartición de casos novos detectados por probas diagnósticas nas distintas áreas sanitarias é a seguinte:
Repartición dos casos activos por áreas sanitarias:
A Coruña: 3.270 (+24)
Vigo: 3.301 -42)
Ourense: 2.189 (+132)
Santiago: 3.093 (-3)
Lugo: 2.125 (-6)
Pontevedra: 2.094 (+71)
Ferrol: 952 (+2)
En canto á ocupación hospitalaria, esta baixa lixeiramente tanto en planta (-4) como nas UCI (-1). En total, hai 387 e 30 persoas ingresadas respectivamente.
Con todo, o Sergas notificou tres decesos por mor da covid–19, que alzan a cifra a 3.121 falecementos desde o inicio da pandemia. Os pasamentos foron os dunha muller de 83 anos na área sanitaria de Ferrol, o pasado mércores; e dous homes de 71 e 84 anos na área sanitaria de Vigo, o xoves.
Mapas de incidencia por concellos
