Ampla representación de Galicia no Salón Gourmets

Está en marcha unha nova edición do Salón Gourmets, onde se poden coñecer as últimas tendencias gastronómicas. Galicia conta cunha ampla representación mostrando que ao tradicional produto da nosa terra e do noso mar se lle está dando unha volta para chegar a uns mercados cada vez máis esixentes.

A calidade está no noso agro e no noso mar. Unha marca suficiente para vender o produto galego. Pero non quedamos aí, e neste Salón Gourmets é facil comprobar como Galicia marca tendencia tamén en canto a innovación.