A Xunta aproba un teito de gasto récord de 15.022 millóns, un 5,5 % máis
O texto será remitido agora ao Parlamento para un debate canto antes, como paso previo á presentación dos orzamentos no mes de outubro
EFE/Xoán Rey
O Consello da Xunta aprobou este luns o teito de gasto non financeiro para o ano 2027, que alcanza os 15.022 millóns de euros, 782 millóns de euros máis, 5,5 % máis que este ano, anunciou o conselleiro de Facenda, Miguel Corgos.
Corgos, que compareceu xunto ao presidente da Xunta, Alfonso Rueda, tras a reunión ordinaria do Consello da Xunta, sinalou que deste xeito se superan por primeira vez os 15.000 millóns de euros e farano, explicou, sen fondos extraordinarios europeos, como nos últimos anos.
O texto será remitido agora ao Parlamento para un debate canto antes, esta semana ou a próxima, xa que en Galicia é preceptivo que este paso, o último antes de presentar os orzamentos no mes de outubro, sexa referendado na Cámara autonómica.
