Galicia despide o verán con oscilacións térmicas de ata trinta graos ao longo do día
Meteogalicia advirte dun "cambio brusco" das temperaturas nas próximas 48 horas con posibilidade de neve nos puntos máis altos
No concello ourensán de Baños de Molgas superaban os 29 graos ás doce do mediodía. Ao longo da xornada, na cidade das burgas chegarán aos 36. Con estas temperaturas e Meteogalicia fala da posibilidade de neve nos puntos máis altos da comunidade.
"A neve unicamente se agarda pola noite nos picos de Galicia, se chegan os chuvascos. Nesas zonas están hoxe as máximas a 28 graos", di o meteorólogo, Carlos Otero.
Estes últimos días do verán deixan en Galicia oscilacións térmicas de ata trinta graos ao longo do día nalgúns puntos do territorito.
"Na noite dá tempo a que o aire arrefríe un pouco máis, en días de estabilidade vaíse acumulando no fondo dos vales, pesa máis porque é máis denso. Durante o día esa masa de aire cálida contribúe a ter temperaturas por riba dos 30 graos. En Calvos de Randín onte a mínima quedou nun grao e a máxima superou os 30", di Carlos Otero.
Son xornadas de cambios bruscos propios desta época do ano na que o frío chegara axiña.
"As míninas desta pasada madrugadas serán similares as máximas do domingo".
