Friaxe no interior de Galicia con temperaturas baixo cero

Moitos concellos volveron vivir unha noite de friaxe. A temperatura máis baixa rexistrouse en Verín, que a primeira hora da mañá estaba a -8 graos.

Pero foi unha noite xélida noutros moitos puntos do interior, especialmente das provincias de Lugo e Ourense. Os termómetros marcaron sete graos negativos en Calvos de Randín, unha temperatura moi similar á de Sarria.

A partir do mediodía, cando o sol comezou a quentar, a situación cambiou notablemente. As oscilacións térmicas superaron os dez graos.