Fran Manzanara cre que o Rácing ten "opcións reais" de entrar no play off
Fran Manzanara cre que o Rácing ten "opcións reais" de entrar no play off
O xogador mostrou o seu desexo de poder optar a subir á máxima categoría
O futbolista do Racing Fran Manzanara asegurou este martes que o equipo ten "opcións reais" de "meternos en play off" de ascenso a Primeira División e subliñou que o cadro verde está "a un punto" do grupo que disputaría esa fase e con 21 puntos "aínda en xogo; podemos facelo".
"Quedan partidos ante rivais que se xogan moito, pero nós tamén nos estamos xogando moito", declarou en conferencia de prensa.
Considera que tras "superar eses 50 puntos" fixados como barreira para a permanencia "agora é a ilusión" a que marca o traballo do equipo.
O xogador mostrou o seu desexo de poder optar a subir á máxima categoría, na que a escuadra naval nunca militou nos seus máis de cen anos de historia.
Manzanara recoñeceu que os xogadores están "contentísimos" pola situación na táboa, consolidada coa vitoria do domingo pasado ante o Huesca, e indicou sobre o próximo adversario, o Vilarreal B, que se enfrontarán en "un partido no que nolo van poñer difícil".
