O Celta Femxa Zorka deixa fuxir unha renda de 20 puntos contra o Gernika (80-84)

Boa estrea con final infeliz en Navia.

A primeira metade das de Cris Cantero foi para enmarcar, con Paula Salinas e Tova Sabel liderando o ataque celeste e castigando a defensa de Guernika tanto desde o perímetro como en acción de roubo e contraataque. A galega mudou por completo a faciana do equipo desde que entrou na cancha coa súa intensidade e contaxiou as súas compañeiras ata que tivo que ir ao banco para coller folgos.

Sabel, buscando boas posición de tiro era letal desde o perímetro.

Por parte do combinado vasco a xogadora que ofreceur mellor nivel foi Lara MacPaden, que como Salinas e Sabel moveuse en dobres díxitos desde o primeiro cuarto.

Na segunda metade todo mudou. Bermejo continuou facendo bos números pero a veteranía das xogadoras do Guernika foise impoñendo ata que chegou nos intres final do tempo regulamentado esta tripla de Ángela Salvadores que prácticamente igualaba o partido e abría as portas do encontro a unha prórroga.

Neses cinco minutos extras as de Cris Cantero non foron quen de superar a abafante defensa das visitantes que se levaron finalmente o partido por catro puntos. 80-84 na estrea en Navia, nun primeiro partido no regreso das viguesa a elite no que a público respondeu e as xogadoras tamén, pero nos últimos actos a balanza decantou o choque a pro do Guernika.