Foro La Toja: Moreno chama á soberanía da UE e Schinas a reforzar a diplomacia
A estratexia de presión de Rusia coa Unión Europea centrou o debate de expertos desta mañá no foro da Toxa
O exvicepresidente da Comisión Margaritis Schinas cre preciso que Europa responda con máis claridade ante as ameazas de Moscova
Os retos políticos aos que se enfronta a Unión Europea foron tema de debate na segunda xornada do Foro La Toja, vínculo Atlántico, en que participaron como relatores o presidente da Junta de Andalucía, Juanma Moreno; o vicepresidente da Comisión Europea entre 2019 e 2024, Margaritis Schinas; Amanda Sloat, profesora de la IE University; e Jamil Anderlini, editor Europa Político.
Unha das mensaxes máis repetidas neste foro é que Europa ten que facer escoitar a súa voz, gañar poder e reducir a súa dependencia de Oriente e Occidente. "Temos que ser soberanos en materia de enerxía, de industria, de innovación, de defensa e alimentaria", defendeu o presidente da Junta de Andalucía.
Para o excomisario Margiritis Schinas, os maiores fracasos da UE foron en defensa e política exterior: "A Europa diplomática, por moito que se empeñe Josep Borrel e Kaja Kallas, non existe". Margaritis Schinas tamén argumentou que o vello continente ten que pasar de estar "obsesionada coas regras e pensar no poder".
Os relatores Amanda Sloat e Jamil Anderlini insistiron en que a Unión Europea debe depender menos dos apoios externos en defensa e economía antes as ameazas de USA e A China. "Europa ten que fortalecer as súas democracias porque Trump vén por Europa", dixo Sloat; mentres Anderlini asegurou que "o obxectivo principal da China é separar a Europa dos Estados Unidos".
