Formoso reclámalle á Xunta máis medidas económicas e sanitarias para paliar a crise

Os socialistas galegos celebraron en Santiago a reunión da Comisión Executiva Nacional. Tras o encontro, o seu secretario xeral, Valentín González Formoso, reclamoulle á Xunta medidas para paliar a crise da asistencia sanitaria.

Criticou ademais que non se tomen as medidas axeitadas para mellorar a situación da poboación galega ante a carestía dos prezos dos combustibles. Entre elas, denuncia a supresión da tarxeta básica que beneficiaba a 75.000 persoas.