Publicador de contidos

Publicador de contidos

Finsa presenta un ERTE que afecta 1.300 persoas ao non ter materia prima para traballar

Finsa presenta un ERTE que afecta 1.300 persoas ao non ter materia prima para traballar

Endesa di que terá que parar a central das Pontes se non lle chega carbón

G24.gal 25/03/2022 16:19

Finsa, a maior empresa de madeira galega, presenta un ERTE para as súas catro fábricas. O expediente de regulación afecta case 1.300 traballadores.

O grupo parou hai unha semana as súas fábricas debido á falta de materias primas e agora decidiu presentar o ERTE pola paralización das actividades.

O expediente vaise extender ata o 30 de abril. A empresa comprometeuse cos traballadores a que complementará os salarios ata o 90 % das retribucións, e non se van penalizar as vacacións, pagas extras e xubilacións.

Endesa As Pontes parará se non chega carbón

A central térmica de Endesa das Pontes podería ter que parar a súa produción hoxe ou mañá se non chega o cargamento de carbón que está no porto de Ferrol, do que non puido aínda saír pola folga de transportistas, confirmaron a Efe este venres fontes de Endesa, propietaria da central.

Estas fontes explicaron que as existencias de carbón, o combustible co que produce electricidade esta central, están xustas desde onte e non se sabe se haberá o suficiente para todo o día de hoxe, algo que dependerá da produción eléctrica que se faga.

A central térmica das Pontes renovou a actividade nun dos seus catro grupos na madrugada do pasado 15 de marzo tras estar preto de dous meses inoperativa, un período no que o persoal técnico supervisou o estado das instalacións.

Publicidade
Publicidade
Publicidade
Publicidade