A cervexa artesá, un sector en constante innovación que achega outro xeito de degustar esta popular bebida
A cervexa artesá, un sector en constante innovación que achega outro xeito de degustar esta popular bebida
O prezo é máis elevado, de media sitúase entre os 3 euros e medio e os 4
Na Coruña hai un local que a única cervexa que serve é artesá. Dispón de máis de cen referencias de fabricación artesanal, varias delas galegas. Todo pensado para un público que busca outro xeito de degustala.
"Case é un ritual. Primeiro cheiras, logo miras, despois bebes. Todo iso existe", explica Jorge Díaz, da Cervexaría Caneca Furada.
Susana Noya, de Noya´s Bar e creadora da cervexa artesá La Rica, engade que o público valora "saber que detrás de cada cervexa hai algo especial, que o fixo una persoa e nunhas cantidades moi limitadas".
O prezo é máis elevado. De media sitúase entre os 3 euros e medio e os 4 euros.
"É máis cara de elaborar e ten que ser máis caro tamén á hora de vender. Os ingredientes non son os mesmos, a produción non é a mesma e os tempos non son os mesmos", sinala Jorge de Caneca Furada.
Susana Noya, de Noya´s Bar, indica que "nós fixemos a nosa cervexa e puxemos un prezo moi económico de 2,5 euros a caña e iso achegou moitísimo a xente á cervexa artesá".
Un sector que segue a medrar.
