Fin de semana de retorno con moita actividade nos aeroportos galegos
Hai 200 voos programados para esta fin de semana
Aumenta o volume de viaxeiros nas estacións de tren
É a fin de semana de retorno para a maioría. Agosto remata e o novo curso, académico e laboral, volve traer a rutina, os horarios e as viaxes de volta.
A trasfega de viaxeiros repítese nos aeroportos e nas estacións. Renfe reforza os servizos fundamentalmente cara a Madrid e Barcelona. En total son 60.00 prazas máis as que se ofertan en todo o Estado.
Nos tres aeroportos galegos o número de voos tamén se incrementa esta fin de semana e roldarán os 200. Mañá despegarán do Rosalía de Castro máis de 60 voos, unha ducia deles internacionais. E tamén o tráfico aéreo será máis intenso en Alvedro e Peinador, que xa nos mes de xullo tivo o seu mellor rexistro con 104.000 pasaxeiros.
A folga de tripulantes de cabina de Iberia Express que comeza o domingo aféctalle só en Santiago a un voo de Madrid.
