Fervor na Semana Santa galega en espera dos días grandes

Comeza a conta atrás para os días grandes da Semana Santa, pero este martes xa vivimos momentos de moito fervor na procesión do Cristo da Boa Morte de Ferrol. Este ano modificouse o percorrido, procesionando polo barrio da Magdalena. Canda a imaxe do Cristo tamén portaron a Virxe do Perdón e da Misericordia.

E en Betanzos ultiman os preparativos para a procesión deste xoves. Preparan con esmero unha imaxe da Virxe das Dolores, da igrexa de Santiago. O presidente da confraría, o deseñador Jorge Vázquez, vén xogando un papel fundamental no impulso da Semana Santa de Betanzos.