Detida unha muller por intentar atracar unha xoiería de Vigo

Unha muller foi detida pola Policía local este martes cando supostamente intentaba roubar nunha xoiería da avenida da Gran Vía, en Vigo.

Tal e como confirmou a Policía local, consultada por Europa Press, sobre as 18:00 horas da tarde os axentes detiveron a muller, cando realizaba un intento de atraco nunha xoiería do centro da cidade olívica.

Supostamente, a muller ía armada cunha pistola, aparentemente simulada, no momento dos feitos. No operativo participou a Policía local e a Policía Nacional e non houbo ningunha persoa ferida.