Detido un home acusado de agredir un menor nunha lea en Vilagarcía de Arousa

A Policía Nacional investiga unha liorta multitudinaria que rematou cunha persoa detida por unha suposta agresión a un menor de idade en Vilagarcía de Arousa.

Segundo datos facilitados pola Policía Local, a lea comezou entre dúas persoas sobre as 6:00 da madrugada nunha zona de ocio situada no porto. Porén, pouco a pouco foise unindo máis xente á pelexa.

O agredido, que quedou ferido, é veciño do concello, pero o arrestado non. Polo momento, non transcenderon máis detalles sobre o suceso.