As primeiras procesións do Domingo de Ramos danlle a benvida á Semana Santa
A tradicional bendición dos ramos de oliveira e das palmas reuniu centos de devotos en Ferrol, Vigo e Viveiro
Hoxe saíron as primeiras procesións da Semana Santa, pero entre todas as imaxes que non deixa o Domingo de Ramos hai unha especialmente simbólica: a da tradicional bendición dos ramos e das palmas, que conmemora a entrada triunfal de Xesús en Xerusalén. Vigo, Viveiro e Ferrol.
Vinte e catro procesións forman o programa de defiles da Semana Santa ferrolá. A de Xesús Amigo dos Nenos partiu desde o santuario das Angustias e percorreu as rúas do barrio de Esteiro. Apenas vinte minutos despois os pasos da Borroquiña e de San Xoán Evanxelista deixaban a praza de Amboaxe e comezaban a avanzar polo barrio empedrado e recto da Magdalena.
Ferrol agarda recibir máis de trescentos mil visitantes durante a súa Semana Santa, declarada, como a de Viveiro, de Interese Turístico Internacional. Na vila mariñá o Domingo de Ramos tamén nos deixo a imaxe do desfile da Borriquiña polas rúas do centro histórico. En Vigo, a procesión saíu desde a Igrexa de María Auxiliadora.
Foron os primeiros pasos dunha Semana Santa que camiña baixo un ceo que, polo momento, non ameaza chuvia.
