Cargando resultados...
Dúas persoas feridas nunha colisión entre unha moto e un coche en Boborás
Unha delas foi trasladada en ambulancia medicalizada ao hospital
O motorista atopábase consciente e presentaba algunha posible fractura polo golpe
G24.gal
14/06/2026 20:03
Dúas persoas resultaron feridas este domingo nunha colisión entre unha moto e un coche na N-541, en Boborás, Ourense.
Unha delas foi trasladada en ambulancia medicalizada ao hospital, segundo fontes municipais.
O suceso tivo lugar pouco antes das 18.00 horas, na N-541, á altura do quilómetro 38. Ata alí desprazouse a Garda Civil de Tráfico e Urxencias Sanitarias de Galicia 061.
O motorista atopábase consciente e presentaba algunha posible fractura polo golpe.
