Ferido un motorista nun accidente que colapsa a AP-9 en Vigo
O choque ocorreu arredor das 8:00 no quilómetro 152 da autoestrada
Os bombeiros acudiron á entrada do túnel da Madroa para liberar o piloto, ao que lle quedou unha perna atrapada
Un motorista resultou ferido na mañá deste martes nunha colisión por alcance cun turismo, ocorrido xusto antes da entrada do túnel da Madroa, en sentido Tui.
O accidente está a causar retencións na AP-9, desde o acceso de Isaac Peral ata a ponte de Rande. O choque ocorreu ao redor das 8:00 no quilómetro 152 da autoestrada.
Os bombeiros acudiron á entrada do túnel da Madroa para liberar o piloto, ao que lle quedou unha perna atrapada. Tráfico aclarou que o condutor se enganchara co pantalón na cadea da moto "e foi aí cando se foi contra o coche". O motorista recibiu asistencia no punto. Foron mobilizados, entre outros, 061, Garda Civil e servizos de mantemento.
Pasadas as 9:30 horas, a circulación estaba aberta ao tráfico pero con retencións na contorna da ponte de Rande, con ao redor de 5 quilómetros de atasco.
