Ferido un mariñeiro en Cangas tras bater a súa embarcación contra unha batea

Un mariñeiro quedou ferido tras bater a súa embarcación contra unha batea en Cangas do Morrazo. O suceso tivo lugar contra as cinco e media desta madrugada e foi un dos tripulantes o que alertou do sucedido.

Unha ambulancia desprazouse ata o peirao de Aldán para trasladar o home, que levou un golpe, ao centro de saúde, pero finalmente foi derivado ata o seu hospital de referencia

Segundo informou o persoal de Salvamento Marítimo ao 112 Galicia, unha embarcación pesqueira tras bater contra unha batea deixou ferido o pescador ao ser golpeado.

Os feitos puxéronse en coñecemento do 061, o Servizo de Gardacostas de Galicia, Salvamento Marítimo e a Garda Civil.