Ferido o condutor dun turismo que circulaba en sentido contrario pola A-6 tras chocar cun minibús en Guitiriz
Ferido o condutor dun turismo que circulaba en sentido contrario pola A-6 tras chocar cun minibús en Guitiriz
O vehículo chocou cun microbús no quilómetro 534, á altura de Lagostelle
No microbús, que facía a ruta Mondoñedo-Vigo, viaxaban unas 20 persoas, que saíron ilesas
Estado do coche tras o impacto contra o minibús na A-6. Foto: GES de Curtis
Arredor da 1 da madrugada deste domingo, o 112 Galicia recibiu varios avisos de particulares que viran un turismo circulando en sentido contrario pola A-6, á altura de Lagostelle, en Guitiriz. De inmediato, desde o Centro Integrado de Atención ás Emerxencias informaron a Garda Civil de Tráfico.
Pouco despois, Urxencias Sanitarias de Galicia informou de que o vehículo chocara cun microbús no quilómetro 534. No autocar, que cubría a ruta Mondoñedo-Vigo, viaxaban unhas vinte persoas, que quedaron ilesas, porque o condutor conseguiu en gran medida esquivar o impacto.
.jpeg)
Detalle do estado no que quedou o coche no que viaxaba a vítima tras o impacto co minubús. Foto: GES de Curtis
O único ocupante do turismo, o condutor, quedou ferido e foi atendido polo persoal sanitario, que se desprazou ao lugar nunha ambulancia.
Neste operativo tamén participaron o GES de Curtis e os servizos de mantemento da autovía.
A-6 ao seu paso por Guitiriz, este domingo pola mañá
