Ferido o condutor dun camión que saiu da vía na autoestrada AP9 en Vigo

Un home de 44 anos, resultou ferido leve ao saír da vía co seu camión no quilómetro 159 da autoestrada AP-9, ao seu paso por Vigo e en dirección Tui.

O accidente provocou retencións e problemas de circulación á altura da parroquia de Cabral.

O sinistro ocorreu sobre as 16.20 horas da tarde deste venres.

A cabeza tractora dun camión saiu da vía e atravesou a mediana da autoestrada. Por este motivo, avisouse a Urxencias Sanitarias 061-Galicia e á Garda Civil, que se desprazaron ata o punto.

O incidente provocou quilómetros de retencións na estrada, nos dous sentidos.

Os servizos de mantemento da vía atópanse no lugar e activáronse os paneis informativos.