Falece un motorista de 29 anos tras chocar contra un gardarraíl e caer ao mar na PO-11

Falece un motorista de 29 anos tras chocar contra o gardarraíl e caer ao mar na PO-11 á altura de Ence. Os feitos sucederon ás 04:30 horas deste luns na autovía que une Marín con Pontevedra. As forzas de seguridade atoparon na estrada a moto accidentada.

#AXEGAInforma dun motorista falecido
📍PO11, #Pontevedra, sentido Marín

▶️Tras o accidente, a vítima caeu á ría

🚨Urxencias Sanitarias de Galicia-061, Bombeiros Pontevedra, Policía Local, @guardiacivil de Tráfico, @salvamentogob pic.twitter.com/hBnCBO35Lg

— 112 Galicia (@112Galicia) October 20, 2025

Para o seu rescate, foi necesario activar recursos acuáticos tanto do equipo de Bombeiros de Pontevedra como de Salvamento Marítimo, aínda que bastaron os primeiros para recuperar o corpo xa sen vida do motorista.

A primeira alerta sobre o suceso produciuse pouco antes das cinco desta madrugada mediante unha chamada ao 112 Galicia dun condutor que circulaba pola PO-11, en Pontevedra, e sorprendeuse por unha moto sinistrada entre o carril dereito da autoestrada e a beiravía, pero era incapaz de ver onde estaba o condutor. 

Deseguido, os xestores do 112 Galicia avisaron aos medios e recursos necesarios, tanto efectivos de Urxencias Sanitarias de Galicia-061, como os axentes da Policía Local, que, pouco despois, atoparon o motorista caído na ría. Deste xeito, preparouse un rescate no espazo acuático, no que interviñeron os Bombeiros de Pontevedra e solicitouse a colaboración de Salvamento Marítimo. Sen embargo, bastaron os efectivos do parque municipal para recuperar o corpo xa sen vida do motorista.