Un camión envorca na AP-9 en Portas e obriga a cortar dous carrís
Polo de agora non consta que haxa feridos no accidente
Vinte minutos despois produciuse unha colisión entre dous turismos, con tres feridos leves
.jpg)
O camión sinistrado transportaba madeira (Garda Civil-Europa Press)
Un accidente dun camión que transportada madeira obrigou a cortar a AP-9 en Portas (Pontevedra) ao caer a carga. Foi necesario cortar dous carrís - un en cada dirección - da autoestrada.
Segundo informou a Garda Civil consultada por Europa Press, o accidente tivo lugar ás 17:39 horas da tarde á altura do Concello de Portas (Pontevedra) e o condutor saíu ileso.
O camión, que portaba labras de madeira, chocou contra a mediana tras rebentar unha das súas rodas na AP9. O accidente provocou cortes en ambos os carrís no quilómetro 114 polo desprazamento da carga do vehículo.
— 112 Galicia (@112Galicia) October 16, 2025
Aproximadamente vinte minutos despois e cun quilómetro de diferenza produciuse unha colisión por alcance entre dous turismos que circulaban no quilómetro 113.
Informa a Garda Civil que tres persoas resultaron feridas leves.
