Falece un motorista logo de sufrir un accidente nunha rotonda nas Pontes
Os profesionais sanitarios só puideron confirmar o seu falecemento
Imaxe de arquivo
Un motorista faleceu logo de sufrir un accidente nunha rotonda situada no quilómetro 0 da AC-101, nas Pontes.
Foi un particular quen chamou ao 112 Galicia e sinalou que a persoa permanecía inconsciente, pouco antes das 18:30 horas.
Ata o lugar desprazáronse Urxencias Sanitarias de Galicia-061, a Garda Civil de Tráfico e os voluntarios de Protección Civil das Pontes.
Finalmente, e malia os esforzos por reanimalo, os profesionais sanitarios só puideron confirmar o seu falecemento.
🔴 #AXEGAInforma dun motorista falecido tras sufrir un accidente nas Pontes.
— 112 Galicia (@112Galicia) July 5, 2026
📍 Rotonda no km. 0 da AC-101.
➡️ Malia os esforzos por reanimalo, os servizos sanitarios só puideron confirmar o seu pasamento.
🔗 https://t.co/f9NjyO4I25 pic.twitter.com/sGwuXSrzmH
