Falece un home en Viana do Bolo ao sufrir un accidente co seu tractor

Un home faleceu logo de accidentarse co seu tractor nunha pista de terra localizada no lugar de Bouza, en Pexeiros, Viana do Bolo.

Foi o persoal de Urxencias Sanitarias de Galicia-061 quen, minutos antes das 19 horas, informou ao 112 Galicia deste sinistro. Desde un primeiro momento, os alertadores sinalaron que o implicado podía estar falecido.

Os servizos de emerxencias tiveron que actuar para liberalo, xa que se atopaba atrapado por unha roda. 

Neste operativo participaron, ademais dos servizos sanitarios, o GES da Gudiña, os axentes da Garda Civil e a Policía Local de Viana do Bolo.