Morre un veciño de Tui cando circulaba en bicicleta polo centro da vila
A policía investiga as circunstancias do suceso, pero todo apunta a que o home de 74 anos sufriu algún tipo de indisposición
Foi un particular quen pouco antes das 8 da tarde de onte alertou o 112 para informar da presenza dun home deitado na calzada a carón da súa bicicleta e que non daba sinais de vida. Trátase dun veciño de Tui, de 74 anos, e todo apunta a que debeu sufrir unha indisposición, xa que varias testemuñas viron como caía da súa bicicleta.
Malia que foi atendido dende un primeiro momento por un policía local e unha enfermeira que comezaron a facer as manobras de reanimación, non puideron facer nada para salvarlle a vida.
O suceso ocorreu no centro de Tui, no paseo Calvo Sotelo, polo que ata aquí desprazáronse unha ambulancia do 061, voluntarios de Protección Civil é a Policía Local que tivo que desviar o tráfico durante 2 horas mentres non se procedeu ao levantamento do cadáver.
Polo momento descoñécense as causas exactas da morte e as autoridades continúan traballando para esclarecer o ocorrido.
