Falece un condutor dun coche en Mos tras saír da vía co seu vehículo
Falece un condutor dun coche en Mos tras saír da vía co seu vehículo
A pesar de que o coche acabou nunha gabia, os sanitarios puideron acceder á vítima, pero faleceu
Polas circunstancias nas que se produciu o sinistro é posible que o home, un octoxenario, sufrise unha indisposición
![](https://img-g24-crtvg.flumotion.com/prog24/ARQUIVO/MAPAS/MAPAS_DE_CONCELLOS/AREA_DE_VIGO/MOS.png)
O condutor dun vehículo faleceu esta mañá en Mos tras saír da vía, informa o 112 Galicia.
🔴 #AXEGAInforma dun condutor que faleceu en #Mos tras saírse da vía co seu vehículo.
— 112Galicia (@112Galicia) August 31, 2022
Malia quedar o coche semienvorcado nunha gabia, a vítima estaba liberada e accesible.
Acudiron: Urxencias Sanitarias de Galicia, #BombeirosBaixoMiño, GES de Mos, @guardiacivil de Tráfico. pic.twitter.com/dvnCJ79uly
O sinistro produciuse no Camiño da Maceira, na parroquia de San Miguel de Pereiras.
Foi un particular o que deu a voz de alarma ao 112-Galicia ás 10:30 horas desta mañá, tras localizar o coche detido e ladeado nunha cuneta, fóra da estrada.
Segundo o servizo de emerxencias, o coche botouse fóra da estrada e acabou na gabia, sen chegar a envorcar completamente.
A vítima, un home octoxenario, non estaba atrapada e os sanitarios puideron acceder a el abrindo unha das portas para prestarlle auxilio, pero faleceu.
Ademais, participaron no operativo o GES de Mos e axentes da Garda Civil de Pontevedra. Fontes de emerxencias apuntan a que, dadas as circunstancias en que se atoparon o vehículo e o home, é posible que sufrise unha indisposición antes de saír da estrada.