Falece un concelleiro de Irixoa por picaduras de velutinas

O concelleiro do Partido Popular de Irixoa, Ramón José Dopico Martínez, faleceu despois de sufrir varias picaduras de velutinas mentres rozaba nunha finca situada en Teixeiro, no municipio de Curtis.

O edil, de 76 anos, foi despedido este xoves na parroquia de San Lourenzo de Irixoa.

Faleceu o mércores tras ser atacado polas velutinas durante os traballos de limpeza da leira.

A pesar da rápida mobilización dos servizos sanitarios, non se puido facer nada por salvarlle a vida.