Tres persoas feridas ao bater un coche contra unha furgoneta en Fene
Un dos ocupantes do turismo, que invadiu o carril contrario, tivo que ser excarcerado
Os equipos de emerxencia no lugar do accidente. FOTO/GES de Mugardos
Tres persoas quedaron feridas nun accidente de tráfico ocorrido este sábado ás 16:15 horas na estrada autonómica AC-115, ao seu paso polo concello de Fene.
Segundo informa o GES de Mugardos, un coche no que ían catro mozos de entre 20 e 22 anos invadiu o carril contrario e bateu contra unha furgoneta que conducía unha rapaza que viña de traballar.
O equipo de emerxencias tivo que liberar un dos ocupantes do turismo que quedara atrapado polas pernas. Con todo, estaba consciente e foi evacuado, xunto a outros dous.
Ademais, o 061 confirmou o traslado da moza, ferida nun brazo. No operativo tamén participaron axentes da Garda Civil de Tráfico e o persoal da Axencia Galega de Infraestructuras de Galicia (AXI).
