Falece Manuel Torreiglesias aos 84 anos de idade
Nunha entrevista hai uns meses, Torreiglesias revelou que padecía unha grave enfermidade renal que o obrigaba a someterse a diálise
En 1997, o xornalista natural de Pontedeume iniciou o seu percorrido co programa Saber vivir, un espazo de divulgación sanitaria e de hábitos para unha vida saudable
EFE/Arquivo
O xornalista galego, Manuel Torreiglesias, histórico presentador do programa de RTVE Saber vivir, faleceu este luns aos 84 anos de idade. Nunha entrevista hai uns meses, Torreiglesias revelou que padecía unha grave enfermidade renal que o obrigaba a someterse a diálise.
En 1997, o xornalista natural de Pontedeume iniciou o seu percorrido co programa Saber vivir, un espazo de divulgación sanitaria e de hábitos para unha vida saudable, que dirixiu e presentou en TVE desde o 1997 ata o 2009.
A principios dos anos 90 presentou o espazo Boa saúde na Televisión de Galicia.
O Concello de Pontedeume escolleu a figura de Manuel Torreiglesias como Fillo Predilecto, desde onde emitiron un emotivo comunicado destacando o seu legado profesional e humano.
⚫ Dende o Concello de Pontedeume lamentamos fondamente o falecemento do noso veciño e Fillo Predilecto, Manuel Torreiglesias.
— Concello de Pontedeume (@dePontedeume) May 19, 2025
Manuel foi un dos máis destacados presentadores de televisión e radio en España, coñecido especialmente pola súa longa traxectoria en RTVE. pic.twitter.com/SQWyYjHuks
A noticia recibiuse con moita consternación na vila.
.png)
